Capitoliu de L'Habana | |
---|---|
El Capitolio (es) | |
estructura arquiteutónica y capitoliu | |
![]() | |
Llocalización | |
País insular | ![]() |
Provincia | Provincia de L'Habana |
Ciudá | L'Habana |
Coordenaes | 23°08′07″N 82°21′34″W / 23.1353°N 82.3594°O |
Historia y usu | |
Apertura | 20 mayu 1929 |
Arquiteutura | |
Estilu |
arquiteutura neoclásica Neoclasicismu |
Superficie | 43,418 m² |
![]() |
Patrimoniu de la Humanidá — UNESCO | |
---|---|
![]() Capitoliu de L'Habana. | |
Llugar |
![]() |
Criterios | Cultural: iv, v |
Referencia | 204 |
Inscripción | 1982 (VI Sesión) |
Área | América Llatina y el Caribe |
![]() |
El Capitoliu Nacional de L'Habana ye un edificiu construyíu en 1929 en L'Habana (Cuba) so la direición del arquiteutu Eugenio Raynieri Piedra, por encargu del entós presidente cubanu Gerardo Machado. L'edificiu taría destináu a allugar y ser sede de los dos cámares del Congresu o cuerpu llexislativu de la República de Cuba. Inspiráu nel Panteón de París, San Pedro de Roma y nel Capitoliu de los Estaos Xuníos, l'edificiu presenta una fachada acolumnada neoclásica y una cúpula qu'algama los 91,73 m d'altor.[1][2]
Asitiáu nel centru de la capital del país, ente les cais Prado, Dragones, Industria y San José, ye l'orixe quilométricu de la rede de carreteres cubanes, y dempués del trunfu de la Revolución, cuando foi eslleíu'l Congresu, foi tresformáu na sede del Ministeriu de Ciencia, Teunoloxía y Mediu Ambiente y de l'Academia de Ciencies de Cuba. Dende 2010 atópase sometíu a un procesu de restauración capital pa devolve-y les sos funciones primixenies y que vuelva ser la sede del parlamento cubanu.
Abiertu al públicu, ye unu de los centros turísticos más visitaos de la ciudá, convirtiéndose n'unu de los iconos arquiteutónicos de L'Habana,[3][4][5] y ye consideráu davezu l'edificiu más pimpanu de la ciudá.[6] Coles mesmes, apaez nomáu por dellos espertos como unu de los seis palacios de mayor relevancia a nivel mundial.[7]
© MMXXIII Rich X Search. We shall prevail. All rights reserved. Rich X Search